القلم الفضائي Space Pen



كلنا طبعا سمعنا عن القصه بتاعة رواد الفضاء الامريكان اللي طلعوا في الفضاء و و لما حبو يكتبوا لقو الاقلام مش بتكتب علشان ما فيش جاذبيه ... فنزلو تاني و راحو لناسا اللي بدورها عملت ابحاث بملايين الدولارات علشان يخترعو قلم بيكتب من غير جاذبيه و يقدرو يستخدمو القلم في الفضاء ... و بردة الاسطوره كانت بتقول ان الروس كان عندهم نفس المشكله فوفروا الملايين و استخدمو القلم الرصاص 

احب اقولكو ان الروايه دي 100 %  غلط  :)  ... ليه بقى ؟

مش علمي






إية يا عم العنوان الغريب دة ..... موضوع اسمة كلام مش علمي في مدونة كلام علمي ... طب ازاي يا جدع .... تعال أقولك ياسيدي 
سبب كتابة الموضوع دة .... شوية تصرفات و عادات و حاجات كتير شفتها مش عجباني 
و هنتكلم فيها حتة حتة بالتفصيل 



دكتور ولا جزار .... انت مين فيهم ؟

طبعا في اختلافات كتير بين الدكتور و الجزار  ... اكيد في دكاترة جزارين بجد :)

و في جزارين دكاترة بجد .... اديهم تتلف في حرير

طب اشمعنا نتكلم عن الاتنين دول بالذات ... تعال نفصصها بأسلوب علمي الأول

المتغيرات


كنا أتكلمنا قبل كدة عن موضوع الفرضيات  و قولنا ان الفرضيات هي النتيجة المتوقعة من بحثك

طب دية نتيجة متوقعة ... و انا عالم و بتاع بحث علمي .. المفروض اني اجرب علشان اعرف التوقعات دية صحيحة ولا لأ

طب اية هيه الحاجات اللي هجربها و اختبرها في الفرضيات بتاعتي  .... الحاجات دية بنسميها متغيرات

يبقى المتغيرات هي الحاجات اللي انا لازم احددها بعد ما افرض الفرضية علشان اقدر اعمل تجربة ناجحة

طب اية هيه المتغيرات؟ و أية أنواعها ؟  و اية شروطها ؟

قبل ما نجاوب على الأسئلة دية  ... تعالوا نشوف مثال و نرجع تاني 

نصيحة من فاشل في معرض العلوم


ايوة  ... هوة العنوان زي ما انت شايفة كدة بالظبط 
على عكس ما اتعودنا  .... دايما بناخد النصايح من الناس الناجحة ..... طب حد جرب ياخد نصيحة من حد فاشل 

ممكن بردة ..!   نسمع منة الغلطات اللي وقع فيها علشان ما نعملهاش .... 
طب جربت تاخد النصيحة علشان تفشل ...

ثواني بس ياعم ... هو الفشل محتاج نصايح ؟ .... ايوة .. تعال نشوف 

شوية نصايح زي اللوز من واحد فاشل شارك في معارض العلوم  ... خد عندك يا سيدي 

الراجل اللي نط .... من الفضاء


طبعا كلنا تابعنا الراجل اللي نط من الكبسولة الفضائية ... على القناة العربية الوحيد اللي خنقتنا .. بصراحة و انا بتفرج افتكرت ذكريات الطفولة  (( برنامج ماما سامية في سينما الاطفال ))  الفيلم بيحكي في موضوع  و المذيعه (( ماما سامية )) بتحكي قصة تانية خالص 
المهم .... 

بردة سمعنا ناس تانية بتفتي ... باي باي نيوتن  ... و قانونك فشنك ..

طيب ... تعالو نشوف الراجل النمساوي دة عمل اية من المنظور العلمي 

ازاي افرض فرضية ؟


تفتكرو اية هية الخطوات اللي فاتت من البحث العلمي  ؟
بالظبط
التلات خطوات دية معناها انك لسة على البر ... مجرد فكرة و سؤال و ابتديت تشوف في حد فكر زيك ولا لأ  اية اخر الابحاث اللي وصل ليها الناس في موضوع فكرتك و اية هية النظريات و الابحاث المرتبطة بموضوع بحثك
طب هندخل امتى في الشغل ؟

هوة انا امتى هكون محتاج خبير ؟؟


·         اولا علشان تدور على معلومة ... هتدور عليها بنفسك ... و هتنزل عليك من السما ؟
·         حدد معلومتك بدقة  (( مش تقول شفولي حد بتاع فيزيا و لا دكتور بتاع فلك  ... علشان يدورلي  ... الناس دية مشغولة اكتر منك ))
·         اعتمد على نفسك و ابذل مجهود
·         انزل بنفسك و اسال الناس الاكبر منك (( مش تقول انا الواد السوبر و مش محتاج اي مشرف و هتعمل كل حاجة لوحدك ))
·         مش شرط المشرف يكون بيفهم في تخصصك ... لكن هيساعدك انك تلاقي اللي بيفهم في تخصصك
·         مش هيجي ليك المتخصص (( كيميا او فيزيا او هندسة ... و يقولك .. الباشا يؤمر باية ؟؟ )) ... لازم على الاقل تكون انت عملت 60 % من الشغل و هوة هيجاوب ليك على استفسارات معينة و اسئلة انت محددها مسبقا
·         دور الاول في الاماكن اللي موجود فيها الناس دية  (( عايز دكتور .. روح مستشفى ... او كلية طب  ,, عايز مهندس روح كلية الهندسة .... و هكذا ...
·         مش شرط  ان المعلومة اللي انا عايزها لازم اللي يعرفها واحد معاه كتوراة  .. ممكن يكون واحد عندة خبرة عملية في المجال  .. ممكن يكون طالب في الكلية  ... ممكن يكون المعيد .. ممكن يكون واحد صاحبك بس بيقرا اكتر منك 

15 خطوة لدفتر ملاحظات ما يخرش المية


صباح الفل ... عارف المثل اللي بيقول (( العلم في الراس مش في الكراس )) .... انساه خالص  اعملة Shift + delete    من اي حتة في حياتك  ..
طيب خلاص .. عمل شيفت ديليت للمثل ... اعمل اية تاني ؟؟ .... تبدا تشتغل العكس  .. يعني تبدا تكتب كل حاجة بتفكر فيها و كل حاجة تيجي على بالك .
و دة اللي بنسمية دفتر ملاحظات ... طالما قررت انك عايز تبقى عالم  .. يبقى لازم تبدا بعمل دفتر ملاحظاتك
طب الدفتر دة شكلة ازاي ؟ اقوللك يا سيدي
اولا هات دفتر كبير و متين (( مش هتدخل بية خناقة يعني )) متين يعني يستحمل الاستعمال  المتكرر و يكون شكلة روش علشان ما تزهقش من شكلة
و خدلك شوية النصايح دية علشان تظبط دفتر ملاحظاتك :

ازاي اكون خلفية علمية (( بنية معرفية ))


الخطوة دية بتعتبر من اطول الخطوات و اهمها ... يعني ممكن تقعد في بحثك سنة كاملة ... 10 شهور منهم بتجمع خلفية علمية

طب يعني اية خلفية علمية ؟
                                           دية الخطوة اللي بيبدا عندها التحول ...

  •       من شخص عادي الى باحث ..
  •   من واحد بيشوف الامور  بشكل سطحي .... الى واحد بيشوف الامور بشكل علمي
  •       من واحد بيقرا و خلاص ... لوحد بيقرا بعمق و بيفهم
  •       من واحد بيجمع معلومات و يرصها تحت بعضها و خلاص  .... لواحد بيجمع المعلومات و يحللها  و يستنتج منها المعلومات اللي هوة عايزها
  •        من واحد بيسمع الاشاعات و يصدقها .... لواحد لازم يدور على المصدر العلمي الصحيح لاي معلومة

طبعا التحول دة مش بزرار سحري  ....  دية حاجات لازم انت تعملها

و الخلفية العلمية بتتكون من تلات  حاجات مهمة جدا بيحصلو فيها  

ازاي اختار فكرة كويسة



المرحلة دية دايما بتيجى تاني خطوة بعد ( ازاي اجيب فكرة ) بتكون خلاص جبت شوية افكار كتير ... بس محتار .. اية الفكرة اللي هشتغل عليها و اعمل بحث ؟
طب و على اساس اية اختار الفكرة  ؟ 

هختار اية .. السهلة ولا الصعبة  .... اللي بتاخد وقت ولا اللي ما بتاخدش وقت ... اللي عايزة شغل ولا اللي عايزة كسل ... اللي عايزة تصميم ولا اللي عايزة بحث 
موضوع محير .. مش كدة ؟؟  .. و خصوصا ان اختيارك هيتوقف علية شغل كتير .. ووقت كتير .....

دماغك اية ؟



يا ترى اية نظرتك للامور ... هل هي نظرة عادية , ولا نظرة علمية ؟
بتشوف الحاجات اللي كل الناس شايفاها  ... ولا بتلاحظ حاجات ما حدش بياخد بالة منها ؟

في الصورة اللي فوق ... فرق بينك و بين اي شخص عادي  .... 

لو عايز تبقى شخص غير عادي ... يبقى شوف الامور من منظار علمي .... اهلا بيك في كلام علمي :)

ملحوظة : اضغط على الصورة لمشاهدتها بالحجم الطبيعي 

يلا بينا

هنبدا مع بعض اول خطوة في بحثنا العلمي 
و اية هية اول خطوة ؟  ..... سلاحك  يعني دفتر ملاحظاتك 

دوس على الصورة علشان تحمل دفتر ملاحظاتك و تبدا الشغل 

ملحوظة : النسخة دية للطباعه و التدوين اليدوي (( دة شرط دفتر الملاحظات ))
              يوصى بطباعتها على مقاس A5  علشان تبقى خفيفة في ايدك 

فصصها ما تشربهاش


طبعا اول ما هيجي في بالك الاعلان بتاع ميرندا يوسفي ... بس هوة بيقوللك اشربها ما تفصصهاش ... و انا بقول العكس ! 

تيجي نحلل الموضوع دة من منظور علمي .. (( بطريقة كلام علمي )) و نشوف مين الصح .. :)

يلا بينا .... 

ازاي ادور على معلومة

تمام كدة ... دلوقتي عدينا مرحلة ازاي اجيب فكرة ... و لازم علشان اجيب فكرة  يكون عندي مهارات البحث  (( اعرف ادوَر يعني ))
بس اللي كتير مننا ما يعرفوش ان في مرحلة مهمة جدا قبل عملية البحث و هية 
  • هبحث على اية ؟
  • هبحث فين؟
  • هبحث ازاي؟
  • هبحث امتى ؟ 
  • اتاكد ازاي ان نتيجة البحث دي صحيحة ؟

هدور على اية : كتير مننا اول ما يفكر يبحث .. يفتح على جووجل و يكتب اللي في بالة ... و الكلام دة مش علمي ولا منهجي ... امال ابحث ازاي ؟ 
لازم تكتب في ورقة كدة (( دفتر ملاحظاتك ))  .. انت عايز تدور على اية ؟ و اية الجمل اللي هتكتبها في البحث ؟ و دة اللي بنسمية الكلمات المفتاحية  يعني بالعربي قبل ما تبدا البحث لازم يكون عندك شوية كلمات مفتاحية ...و دية شوية نقاط تاخد بالك منها و انت بتكتب كلماتك المفتاحية 

15 نصيحة علشان تبقى عالم


  • النصيحة الاولى : دايما اسال .. من سمات العالم انة دايما بيسال و بيبحث ان اجابة و طول ما انت بتسال يبقى انت ماشي على الطريق الصحيح 
  • النصيحة الثانية : دون ملاحظاتك  ... دايما العالم معاه دفتر ملاحظات بيسجل افكارة و انطباعاتة الشخصية و الاسئلة اللي بيدور ليها على اجابة 
  • النصيحة الثالثة : دايما اقرأ , دايما ابحث و اطلع على كل جديد 
  • النصيحة الرابعه : تابع البرامج العلمية باستمرار , و حاول تعرف كل جديد 
  • النصيحة الخامسة : بلاش تفتي .... ما تتكلمش من غير دليل علمي و مصدر موثوق ... ما تعملش نفسك ابو العريف اللي بيفهم في كل حاجة ... مش عيب انك تقول ما اعرفش